АЧИЖ ЖУРАМЛАГДСАН ТЭЭВРИЙН ХЭРЭГСЛИЙН МЭДЭЭЛЛИЙГ ЦАХИМААР ХАРДАГ БОЛНО.

92 0

Тээврийн хэрэгслийн нэгдсэн цахим үйлчилгээний https://smartcar.mn/ системээр дамжуулан олон төрлийн үйлчилгээг нэг дороос авах боломжтой болсон билээ. Энэ удаад ачиж журамлагдсан тээврийн хэрэгслийн мэдээллийг цахим систем, аппликэшнээр харуулах үйлчилгээг хэрэглээнд нэвтрүүлэхээр ажиллаж байна.

Тус үйлчилгээг 2019 оны 6 дугаар сарын 10-ны өдрөөс эхлэн ашиглалтад оруулахыг нийслэлийн Инноваци, технологийн асуудал хариуцсан төслүүдийн удирдагч М.Халиунбат үүрэг болголоо.

Ачиж журамлагдсан тээврийн хэрэгслийн мэдээллийг нийслэлийн Засаг даргын Тамгын газар, Тээврийн цагдаагийн алба, Авто замын хөгжлийн газар, Замын хөдөлгөөний төлөвлөлт, зохицуулалт, инженерчлэлийн газар, Мэдээлэл, технологийн газар, Ачигчдын холбоо, ачигч компаниуд зэрэг байгууллагууд хамтран хэрэгжүүлж байна гэж нийслэлийн Мэдээлэл, технологийн газраас мэдээллээ.